ՄԱԿ-ի Գլխավոր ասամբելան Ուկրաինային նվիրված լիագումար նիստ կանցկացնի մարտի 20-ին
Աշխարհ
Ինչպես հայտնում է itar-tass-ը, ՄԱԿ-ի Գլխավոր ասամբելան Ուկրաինային նվիրված լիագումար նիստ կանցկացնի մարտի 20-ին: Այդ մասին հայտնել է Գլխավոր ասամբլեայի 68-րդ նստաշրջանի նախագահի ներկայացուցիչ Աֆաֆ Կոնջան:
«ՄԱԿ-ի ԳԱ-ի նախագահ Ջոն Էշը նամակներ է ուղարկել անդամ երկրներին՝ հրավիրելով լիագումար նիստի, որը տեղի կունենա հինգշաբթի՝ մարտի 20-ին»,-ասել է գործակալության զրուցակիցը: Նրա խոսքով՝ նիստն անցկացվում է ՄԱԿ-ին առընթեր Ուկրաինայի մշտական ներկայացուցիչ Յուրի Սերգեևի պաշտոնական պահանջով:
ՄԱԿ-ի Գլխավոր ասամբլեայի բանաձևերն ընդունվում են ձայների պարզ մեծամասնությամբ: Դրանք կատարման համար պարտադիր չեն և բացառապես հանձնարարական բնույթ են կրում:
Նախօրյակին Ուկրաինայի ԱԳ նախարարությունը դիմել է աշխարհի պետություններին՝ խնդրելով ձեռնպահ մնալ Ղրիմի անկախությունը ճանաչելուց: «Ուկրաինայի արտաքին գործերի նախարարությունը դիմում է միջազգային հանրակցության բոլոր անդամներին՝ խնդրելով ձեռնպահ մնալ Ղրիմի Հանրապետության միջազգային ճանաչումից»,-ասված է հանրապետության արտաքին քաղաքական գերատեսչության կայքում զետեղված հաղորդագրության մեջ:
Ուկրաինայի ԱԳ նախարարությունը նաև վերստին հայտարարել է, որ անօրինական է համարում մարտի 16-ին ինքնավար հանրապետությունում անցկացված հանրաքվեն:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
