Առնվազն 15 մարդ է զոհվել Աֆղանստանում կատարված ահաբեկչական գործողության հետևանքով

Աֆղանստանի հյուսիսում իրականացված հզոր պայթյունը հանգեցրել է առնվազն 15 մարդկային զոհի, ևս 27-ը վերքեր է ստացել: Այդ մասին մարտի 18-ին հաղորդել է բրիտանական BBC հեռուստառադիոկորպորացիան:

Պայթյունը որոտացել է Աֆղանստանի Ֆարյաբի նահանգի Մեյմենե քաղաքի շուկաներից մեկում:

Նախնական տվյալներով՝ պայթուցիկ սարքը տեղադրված է եղել ավտոմեքենայում, որում գտնվում էր մահապարտ ահաբեկիչը:

Առայժմ խմբավորումներից ոչ մեկը չի ստաձնել ահաբեկչական գործողության պատասխանատվությունը. հաղորդել է «Ինտերֆաքս» գործակալությունը: