ՆԱՏՕ-ին Ուկրաինայի անդամակցությունը «օրակարգի հարց չէ». Յացենյուկ
Աշխարհ
ՆԱՏՕ-ին Ուկրաինայի անդամակցությունը «օրակարգի հարց չէ», և Ուկրաինան ԵՄ-ի ու Ռուսաստանի հետ կապերը չի դիտարկում «կամ-կամ» սկզբունքով: Այդ մասին հայտարարել է Ուկրաինայի վարչապետ Արսենի Յացենյուկը հանրապետության հարավային և արևելյան տարածաշրջանների բնակիչներին հղած հեռուստաուղերձում:
«Բացառապես հանուն Ուկրաինայի միասնության պահպանման ՆԱՏՕ-ին անդամակցելու հարց չկա օրակարգում,-հայտարարել է նա:-Երկիրը կպաշտպանի ուժեղ, արդիական ուկրաինական բանակը»:
Վարչապետը հավաստել է, որ մարտի 21-ին Բրյուսելում ծրագրված է Եվրամիության հետ ասոցացման համաձայնագրի քաղաքական մասի ստորագրումը: «Մենք առայժմ հետաձգել ենք այդ փաստաթղթի տնտեսական բաժնի ստորագրումը՝ նկատի առնելով այն մտահոգություններն ու երկյուղները, թե ազատ առևտրի գոտին բացասական հետևանքներ չի ունենա արդյոք արդյունաբերական տարածաշրջանների համար, խոսքը, նախևառաջ, արևելքի մասին է,-շարունակել է նա:-Այդ հարցի շուրջ մենք լրացուցիչ կոնսուլտացիաներ կանցկացնենք»:
«ԵՄ-ի և Ռուսաստանի հետ կապերը մենք չենք դիտարկում «կամ-կամ» սկզբունքով»,-նշել է Յացենյուկը: Նա խոստացել է «հնարավոր ամեն ինչ անել, որպեսզի ոչ միայն պահպանվի խաղաղությունը, այլև Ռուսաստանի հետ հաստատվեն հիրավի գործընկերային ու բարիդրացիական հարաբերություններ»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
