Պետդուման մարտի 20-ին լրացուցիչ նիստ կանցկացնի Ղրիմի հետ պայմանագիրը վավերացնելու համար

Պետդումայում հաստատել են, որ մարտի 20-ին տեղի կունենա լրացուցիչ նիստ, որտեղ, ինչպես սպասվում է, կվավերացվի ՌԴ-ի կազմ Ղրիմի մտնելու մասին պայմանագիրը: Այս մասին հայտնում է «Ինտերֆաքս» գործակալությանը:

«2014 թվականի մարտի 20-ին ՌԴ-ի Դաշնային ժողովի Պետական դումայի լրացուցիչ նիստ անցկացնելու մասին որոշման համապատասխան նախագիծը զետեղված է ստորին պալատի օրենսդրական բազայում:

Ինչպես ավելի վաղ հայտնել են պատգամավորները, այդ նիստը պլանավորվում է սկսել ժամը 16:00-ին:

Ռուսաստանը և Ղրիմը մարտի 18-ին Մոսկվայում պայմանագիր են ստորագրել ՌԴ-ի կազմ Ղրիմի Հանրապետության և Սևաստոպոլ քաղաքի մտնելու մասին: Պայմանագիրն ստորագրել են ՌԴ-ի նախագահ Վլադիմիր Պուտինը, Ղրիմի Գերագույն խորհրդի ղեկավար Վլադիմիր Կոնստանտինովը, հանրապետության վարչապետ Սերգեյ Ակսյոնովը և Սևաստոպոլի քաղաքային խորհրդի նախագահ Ալեքսեյ Չալին:

Ինչպես հաղորդել է Կրեմլի կայքը, Ղրիմը և Սևաստոպոլը ՌԴ-ի կազմում ընդունված են համարում մարտի 18-ից՝ ՌԴ-ի կազմ հանրապետության ընդունման մասին պայմանագրի ստորագրման ամսաթվից: «Ղրիմի Հանրապետությունը Ռուսաստանի Դաշնություն ընդունված է համարվում պայմանագրի ստորագրման ամսաթվից: ՌԴ Ղրիմի Հանրապետության ընդունման օրվանից Ռուսաստանի Դաշնության կազմում ձևավորվում են նոր սուբյեկտներ՝ Ղրիմի Հանրապետությունը և համերկրային նշանակության Սևաստոպոլ քաղաքը»,-ասված է հաղորդագրության մեջ:

ՌԴ-ի կազմ Ղրիմի մտնելու անցումային շրջանը կգործի մինչև 2015 թվականի հունվարի 1-ը: