Գերմանիան Ռուսաստանի հետ ռազմական համագործակցությունը դադարեցնում է

Գերմանիայի կառավարությունն Ուկրաինայում տիրող իրադրության պատճառով սխալ է համարում գերմանական Rheinmetall AG զենքի արտադրության կոնցեռնի համագործակցությունը Ռուսաստանի հետ: Այս մասին հայտնում է ria.ru-ն:

«Գերմանիայի կառավարությունը ներկա պայմաններում Ռուսաստան զինամթերք արտահանումը համարում է անթույլատրելի»,- ասվում է Գերմանիայի էկոնոմիկայի նախարարության հայտարարությունում:

Հիշեցնենք, որ ավելի վաղ «Մեծ ութնյակի» 7 պետությունները միասնական կերպով դատապարտել են Ռուսաստանի գործողություններն Ուկրաինայում և հայտարարել, որ եթե Մոսկվան չդադարեցնի ագրեսիան, ապա իրենց հետագա գործունեությունը կշարունակվի G7 ձևաչափով՝ առանց Ռուսաստանի։