Ղրիմի ինքնապաշտպանության ուժերը կընդգրկվեն ՌԴ-ի Հարավային ռազմական օկրուգի կազմում
Աշխարհ
Ղրիմի ինքնապաշտպանության ուժերը մոտ ժամանակներս կվերակազմավորվեն ու կընդգրկվեն ՌԴ-ի զինված ուժերի Հարավային ռազմական օկրուգի կազմում: Այդ մասին մարտի 21-ին հայտնել է ՌԴ Պետդումայի պաշտպանության կոմիտեի նախագահ, Սևծովյան նավատորմի նախկին հրամանատար ծովակալ Վլադիմիր Կոմոյեդովը:
Նախօրյակին Ուկրաինայի զինված ուժերի՝ Ղրիմում տեղաբաշխված ավելի քան 70 զինվորական ստորաբաժանումներ, այդ թվում՝ օժանդակ նավատորմի 25 նավ և Ուկրաինայի ռազմածովային ուժերի վեց մարտանավ բարձրացրել են Ռուսաստանի պետական դրոշը: Նախքան Ուկրաինայի իշխանություններից Ղրիմի անկախության հռչակումը, թերակղզում տեղաբաշխված էր 34 զորամաս, որտեղ ծառայում էր 22 հազար մարդ: Այդ զորամասերի զինծառայողների ճնշող մեծամասնությունը ցանկություն է հայտնել ծառայել Ղրիմի ինքնապաշտպանության ուժերում, իսկ ապագայում ռուսական բանակում:
«Ռուսաստանի Դաշնություն Ղրիմի և Սևաստոպոլի՝ որպես սուբյեկտների մտնելուց հետո Ղրիմի ինքնապաշտպանության ուժերը պետք է վերակազմավորվեն և ընդգրկվեն Հարավային ռազմական օկրուգի կազմում»,-ասել է Կոմոյեդովը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
