Սիրիական բանակը Դեր Զորում լուրջ հարվածներ է հասցրել ԻԼԻՊ-ին
Աշխարհ
Սիրիական բանակը Դեր Զորում լուրջ վնասներ է հասցրել «Իրաքի և Լևանտի իսլամական պետության» խմբավորման անդամներին:
Ինչպես հաղորդում է «Արմենպրես»-ը՝ վկայակոչելով սիրիական ՍԱՆԱ գործակալությունը, սպանված զինյալների թվում ոչ սիրիացիներ կան: Բախումներն ընթացել են Հուիկա թաղամասում: Հոմսի մարզի Քաֆրլահա գյուղում մեծ թվով զինյալներ են սպանվել, ոչնչացվել են նրանց զենքերը: Տասնյակ զինյալներ են սպանվել Հալեպում և մերձակա գյուղերում:
Մյուս կողմից' տեղեկություններ են ստացվել, որ ԻԼԻՊ-ը հարձակում է գործել Սիրիայի հյուսիսում գտնվող Այն ալ Արաբ քրդական քաղաքի վրա: Քրդական ուժերը ուժեղ դիմադրություն են ցույց տվել նրանց: Մեկ օրվա ընթացքում քրդական ուժերը ոչնչացրել են 100-ից ավելի ահաբեկիչների: Այն ալ Արաբ քաղաքը գտնվում է Դամասկոսից 532 կմ հեռավորության վրա թուրքական սահմանի մերձակայքում:
Իրավիճակը շարունակում է լարված մնալ: Քաղաքի շրջափակումը շարունակվում է մեկ տարուց ավելի: Ավելի վաղ տեղեկություններ էին ստացվել, որ ԻԼԻՊ-ը իր հսկողության տակ է վերցրել քրդական 16 գյուղեր:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
