ԵՄ-ն 112 մլն եվրո է հատկացրել Սիրիայի հակամարտությունից տուժած երեխաներին
Աշխարհ
Եվրամիությունը 112 մլն եվրո է հատկացրել Սիրիայի հակամարտությունից տուժած երեխաներին օգնելու համար: Այդ մասին, ինչպես տեղեկացնում է «Արմենպրես»-ը, ասված է Եվրահանձնաժողովի՝ Բրյուսելում տարածված հայտարարության մեջ:
«Ավելի քան 6,5 մլն երեխա է տուժել այդ դաժան քաղաքացիական պատերազմից, նրանցից 1,5 միլիոնը ներկայումս որպես գաղթական ապրում են իրենց երկրի սահմաններից դուրս»,- Եվրահանձնաժողովը մեջբերել է միջազգային համագործակցության, հումանիտար օգնության և ճգնաժամային արձագանքման եվրահանձնակատար Կրիստալինա Գեորգիևայի խոսքը:
Ինչպես ասված է ԵՀ-ի հայտարարության մեջ, հատկացված միջոցները կօգտագործվեն Սիրիայում և հարևան երկրներում երեխաների պաշտպանության և կրթության համար: Բացի այդ, դրանք կուղղորդվեն կրթական համակարգերի ամրապնդման ուղղությամբ ազգային իշխանությունների աշխատանքի աջակցմանը:
ԵՀ-ն պարզաբանում է, որ միջոցները հատկացվում են Սիրիային և հարևան երկրներին 215 մլն եվրո գումարի ընդհանուր ֆինանսական փաթեթից, հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
