Սարկոզիի գործով 3 գործչի մեղադրանք է առաջադրվել

Ֆրանսիական քննչական մարմինները շաբաթ օրը մեղադրանք են ներկայացրել «Միություն հանուն ժողովրդական շարժման» կուսակցության 3 նախկին ղեկավարների, ովքեր անցնում են երկրի նախկին նախագահ Նիկոլա Սարկոզիի ընտրարշավի անօրինական ֆինանսավորման գործով: Այս մասին հաղորդել է France Press գործակալությունը:

Աղբյուրի հավաստամբ՝ բոլոր 3 մեղադրյալները մեղադրվում են փաստաթղթերի կեղծման և վստահության չարաշահման մեջ:

2012թ.-ի գարնանը սկանդալ է ծագել Լիբիայի նախկին առաջնորդ Մուամար Քադաֆիի կողմից Սարկոզիին հնարավոր ֆինանսական աջակցություն ցուցաբերելու հարցի շուրջ: Ֆրանսիական Mediapart հրատարակությունը փաստաթղթեր է հրապարակել, որտեղ հայտարարվել է, որ լիբիական ռեժիմը իբր 50 միլիոն եվրո է փոխանցել Սարկոզիի 2007թ. ընտրությունների նախընտրական քարոզարշավի կարիքների համար:

Մինչդեռ, նախագահ Սարկոզին վերջերս հայտարարել է մեծ քաղաքականություն վերադառնալու իր որոշման մասին: