Ուկրաինա են ուղարկվել անօդաչու օդանավեր

ԵԱՀԿ հատուկ մոնիթորինի առաքելության համար անօդաչու օդանավեր են ուղարկվել Ուկրաինա: Այս մասին հայտնել է ՏԱՍՍ-ը՝ վկայակոչելով առաքելության մամուլի խոսնակ Մայքլ Բոցյուրկիվին:

Նրա խոսքով՝ անօդաչու օդանավերն Ավստրիայից են բերել: 

«Նրանք ժամանել և մաքսազերծում են անցնում: Այժմ մենք քաղաքացիական փորձագետների խումբ ենք հավաքում, ովքեր աշխատելու են այդ սարքավորումների հետ»,- ասել է մամուլի խոսնակը:

Բոցյուրկիվը նշել է, որ անօդաչու օդանավերը կկիրառվեն մի քանի շաբաթվա ընթացքում:

Ավելի վաղ Ուկրաինայի ազգային անվտանգության և պաշտպանության խորհրդի տեղեկատվական-վերլուծական կենտրոնի խոսնակ Անդրեյ Լիսենկոն հույս է հայտնել, որ ԵԱՀԿ-ի առաքելության բոլոր աշխատակիցների տրամադրության տակ շուտով կլինեն անօդաչու օդանավերը՝ իրավիճակի վերահսկման համար, ինչը կնպաստի առաքելության արդյունավետությանը: