ԱՄՆ-ի Վեցերորդ նավատորմի Mount Whitney հրամանատարական նավը մտել է Սև ծով

ԱՄՆ-ի ռազմածովային ուժերի Վեցերորդ նավատորմի Mount Whitney ֆրեգատ հրամանատարական նավը և Cole Էսկադրային ականակիր-հրթիռակիրը մտել են Սև ծով: Այդ մասին, ինչպես տեղեկացնում է «Արմենպրես»-ը, հոկտեմբերի 13-ին «Ինտերֆաքս»-ին հաղորդել է ռազմադիվանագիտական մի աղբյուր:

«ԱՄՆ-ի Վեցերորդ նավատորմի Mount Whitney շտաբային նավը հոկտեմբերի 11-ին մտել է Սև ծովի ջրատարածք»,- ասել է աղբյուրը:- Նրա խոսքով, Cole Էսկադրային ականակիր-հրրթիռակիրը Սև ծովի ավազան է մտել հոկտեմբերի 10-ին:

USS Mount Whitney-ը «Բլյու Ռիջ» տիպի երկրորդ հրամանատարական նավն է: Շարք է մտել 1971 թվականի հունվարի 16-ին: Անվանվել է ի պատիվ Սիեռա Նևադայի լեռնաշղթայի ամենաբարձր՝ Ուիթնի լեռան, որը գտնվում է Կալիֆոռնիայի նահանգում:

Մասնակցել է գործողությունների Ատլանտյան օվկիանոսում, Միջերկրական, Կարիբյան ծովերում, Հնդկական օվկիանոսում: 1994 թվականին մասնակցել է Հաիթիում տեղի ունեցած գործողությանը: 2005 թվականից բազավորված է Իտալիայի Գաետա նավահանգստում: