Սալվադորում 7.4 մագնիտուդով երկրաշարժից հետո ցունամիի սպառնալիք է հայտարարվել

Սալվադորում տեղի ունեցած հզոր երկրաշարժից հետո սեյսմոլոգները նախազգուշացում են տարածել ցունամիի սպառնալիքի մասին, տեղեկացնում է «Արմենպրես»-ը՝ հղում անելով BBC-ին:

7.4 մագնիտուդով երկրաշարժը տեղի է ունեցել Սալվադորի հարավարևելյան շրջանում: Նույն ուժգնության երկու ցնցում է գրանցվել հոկտեմբերի 14-ի առավոտյան:

Առաջին ցնցման էպիկենտրոնը գտնվում էր Չիրիլագուա քաղաքից 80 կմ հարավ, իսկ երկրորդի էպիկենտրոնը՝ Ինտիպուկա քաղաքից 64 կմ հարավ ընկած շրջանում:

Ցունամիի առաջացման սպառնալիքը վերաբերում է Սալվադորին, Նիկարագուային և Հոնդուրասին: