ԱՄՆ-ի «Mount Whitney» ռազմական նավը ժամանել է Բաթումիի նավահանգիստ

ԱՄՆ «Mount Whitney» ռազմական նավը ժամանել է Բաթումի՝ Վրաստանի Աջարիա Ինքնավար Հանրապետություն: Այս մասին հայտնել է ՌԻԱ «Նովոստին»՝ հղում անելով Աջարիայի կառավարության պաշտոնական կայքում տեղադրված հաղորդագրությունը:

Ակնկալվում է պաշտպանության նախարարության հատուկ նշանակության ուժերի աշխատակիցների հետ միասին վարժանքների իրականացումը Սև Ծովի հատակում:

«Լուրեր Վրաստանից» գործակալության հաղորդմամբ, նավը Բաթումիի նավահանգստում կմնա հինգ օր: Այս ընթացքում ֆրեգատի անձնակազմը կհանդիպի Աջարիայի Ինքնավար Հանրապետության ղեկավարության ներկայացուցիչների, Վրաստանի ՆԳՆ սահմանապահ ոստիկանության ափամերձ պարեկության, ինչպես նաև Բաթումիի քաղաքապետի հետ: 

Նախատեսվում է համատեղ հակաահաբեկչական և հակահրդեհային վարժանքների իրականացումը, որոնցում հմասնակցեն նաև Բաթումիի հրշեջներն ու փրկարարական ծառայության աշխատողները: