Պորոշենկոն ԵՄ ղեկավարների հետ քննարկել է Պուտինի հետ կայանալիք հանդիպման մանրամասները

Ուկրաինայի նախագահ Պյոտր Պորոշենկոն եվրոպական առաջնորդների հետ քննարկել է Ռուսաստանի նախագահ Վլադիմիր Պուտինի հետ Միլանում կայանալիք երկկողմ հանդիպման մանրամասները և մեծ հույսեր է կապում առաջիկա բանակցությունների հետ: Այս մասին հայտնել է ՌԻԱ «Նովոստին»:

«Եվրոպական կողմի խնդրանքով հեռախոսային կոնֆերանս է անցկացվել, որտեղ եվրոպական երկրների և Եվրամիության ղեկավարները ինձ հետ միասին շատ կարևոր բանակցություններ կանցկացնեն ՌԴ ղեկավարության հետ՝ Ուկրաինայում խաղաղության հաստատման հարցի շուրջ, ապահովելով խաղաղ գործընթացը, քաղաքական գործընթացի զարգացումը, երկրի արևելքում իրավիճակի լարվածության թուլացումը, և ողջ աշխարհը մեծ հույսեր է կապում վաղվա օրվա հետ»,- ասել է Պորոշենկոն:

Ռուսաստանի և Ուկրաինայի նախագահների հանդիպումը նախատեսվում է ASEM-ի գագաթնաժողոգի ժամանակ, որը կկայանա Միլանում` հոկտեմբերի 16-17-ը: