NASA-ի արբանյակը Երկրին բացառիկ տեղեկատվություն է հաղորդել Մարսի մթնոլորտի մասին
Աշխարհ
Ամերիկյան գիտական արբանյակը, որը Մարսի ուղեծիր է դուրս եկել սեպտեմբերի 21-ին, Երկիր է հաղորդել առաջին բացառիկ տեղեկատվությունը Կարմիր մոլորակի մթնոլորտի վերաբերյալ: Ինչպես տեղեկացնում է «Արմենպրես»-ը՝ հղում անելով NASA-ին, օգտագործելով իր գիտական սարքերից մեկը՝ ուլտրամանուշակագույն սպեկտրաչափը, ապարատն ստացել է «Մարսի մթնոլորտի պսակների պատկերները, որոնք բաղկացած են թթվածնից, ջրածնից և ածխաթթվական գազից»:
«Դրանք Մարսի տարածական մթնոլորտի ամենաամբողջական պատկերներն են, որոնք մինչ օրս մասնագետներին հաջողվել է ստանալ»,- հայտարարել է նախագծի մասնակիցներից մեկը՝ Կոլորադոյի նահանգի համալսարանի մթնոլորտի և տիեզերքի ֆիզիկական հետազոտությունների լաբորատորիայի աշխատակից Մայք Չաֆինը: Նրա խոսքով՝ նոր տվյալները հաստատում են այն տեսությունը, որի համաձայն՝ «Մարսի մթնոլորտի վերին շերտերը հազիվ են պահպանվում Կարմիր մոլորակի թույլ ձգողականության կողմից», հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
