Չիանաստանում արգելափակվել է BBC կայքը

Չինաստանը արգելափակել է BBC բրիտանական լրատվական կայքը՝ կապված Հոնկոնգում տեղի ունեցող անկարգությունների հետ: Այս մասին հայտնել է Agence France-Presse-ը:

Չինացի օգտատերերը այյլևս չկարողացան մուտք գործել կայք այն բանից հետո, երբ առցանց հեռարձակմամբ ցուցադրվել է ոստիկանների կողմից իրականացված հարձակումը փողոց դուրս եկած ուսանողների վրա: 

Վերջին անգամ Չինաստանը լիովին արգելափակել է կայքը 2010 թ.-ի դեկտեմբերին, երբ Նոբելյան մրցանակը շնորհվել է չինացի այլախոհ և մարդու իրավունքների պաշտպան Լյու Սյաոբոյին: Ներկայումս Չինաստանում արդեն արգելափակված են մի շարք լրատվամիջոցներ, ինչպիսիք են The New York Times-ը և Bloomberg-ը, նաև Instagram սոցիալական ցանցը: