ՄԱԿ-ը պետք է անվտանգության գոտիներ ստեղծի Սիրիայում. Թուրքիայի վարչապետ

Թուրքական կառավարության ղեկավար Ահմեդ Դավութօղլուն անհրաժեշտ է համարում Սիրիայի հյուսիսում անվտանգության գոտիների ստեղծումը՝ տեղի բնակչության պաշտպանության համար: Այս մասին հայտնել է ՏԱՍՍ-ը` հղում անելով նրա «Ալ Ջազիրա» հեռուստաալիքում ելույթը:

Դավութօղլուն առանձին նշել է, որ խոսքը վերաբերում է «բուֆերային գոտիների ստեղծմանը, մասնավորապես, անվտանգության գոտիների»:

«Մենք ցանկանում ենք, որ մարդիկ ապահով ապրեն: Ավելին, մենք ուզում ենք ոչ թռիչքային գոտի ստեղծել, քանի որ դա մարդկանց անվտանգության ապահովության նախադրյալն է»,- ասել է նա:

Վարչապետը նշել է, որ «բուֆերային գոտի» տերմինը ռազմական իմաստ է կրում՝ որպես երկու երկրի միջև անցումային գոտի: