Քերին, Էշթոնը և Զարիֆը կհանդիպեն երեք-չորս շաբաթից
Աշխարհ
Իրանական միջուկային ծրագրի շուրջ ԱՄՆ-ի պետքարտուղարի, ԵՄ-ի արտաքին քաղաքական ծառայության ղեկավարի և Իրանի արտաքին գործերի նախարարի հերթական կոնսուլտացիաները տեղի կունենան երեք-չորս շաբաթ հետո. բանակցությունների անցկացման վայրը դեռևս որոշված չէ, տեղեկացնում է «Արմենպրես»-ը:
«Ջոն Քերիի և Քեթրին Էշթոնի հետ հանդիպումը կարող է տեղի ունենալ երեք-չորս շաբաթ հետո. վայրն առայժմ որոշված չէ»,-լրագրողներին հայտարարել է Իրանի ԱԳ նախարար Մոհամադ Զարիֆը:
Դրա հետ մեկտեղ նա նշել է, որ «ճիշտ կլիներ առաջիկա երկու-երեք շաբաթներին անցկացնել փորձագետների հանդիպում»,
Ավելի վաղ Միացյալ Նահանգների պետդեպարտամենտի ներկայացուցիչը հայտնել է, որ Իրանի, ԱՄՆ-ի և Եվրամիության ներկայացուցիչները առաջընթացի են հասել իրանական միջուկային ծրագրի շուրջ Վիեննայում կայացած եռակողմ կոնսուլտացիաներում, բայց մի շարք կարևոր հարցեր մնում են չլուծված:
Ամերիկացի դիվանագետի խոսքով՝ նոյեմբերի 24-ից հետո Թեհրանի ներկայացուցիչների հետ «վեցյակի» բանակցությունների հնարավոր շարունակման հարցը կոնսուլտացիաների ընթացքում չի քննարկվել, քանի որ հիմնական նպատակը համաձայնագիրն ավելի վաղ սահմանված ժամկետում կնքելն է, հաղորդել է ՌԻԱ Նովոստի գործակալությունը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
