Պուտինը և Մերկելը 2,5 ժամ քննարկել են Ուկրաինայի ճգնաժամը
Աշխարհ
Ռուսաստանի նախագահ Վլադիմիր Պուտինը Գերմանիայի կանցլեր Անգելա Մերկելի հետ Միլանում կայացած զրույցի ընթացքում քննարկել է Ուկրաինայում հակամարտության կարգավորման շուրջ Մինսկի պայմանավորվածությունների իրագործման ընթացքը և գազի հարցը: Այդ մասին, ինչպես տեղեկացնում է «Արմենպրես»-ը, հայտնել է ռուսական պետության ղեկավարի մամուլի քարտուղար Դմիտրի Պեսկովը:
«Տևական (մոտավորապես 2,5 ժամ) և հանգամանալի զրույցի ընթացքում Պուտինը և Մերկելը բավական մանրակրկիտ քննարկում են անցկացրել Մինսկի համաձայնությունների իրագործման ընթացքի շուրջ: Ընդգծվել է Ուկրաինայի հարավ-արևելքում հակամարտող կողմերի տարանջատման գործընթացն ավարտելու առաջնահերթ կարևորությունը»,- ասել է Պեսկովը:
«Նախկինի պես լուրջ տարաձայնություններ են պահպանվում ներուկրաինական հակամարտության ծագման, ինչպես նաև ներկայումս այնտեղ տեղի ունեցող իրադարձությունների սկզբնապատճառների շուրջ»,- նշել է նախագահի մամուլի քարտուղարը: Նրա խոսքով՝ Պուտինը և Մերկելը նաև արծարծել են հրադադարի ռեժիմի մոնիթորինգի թեման և «գազի դոսյեն», հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
