Ես նորից հրաշքի ականատես եղա. Էրիկ Անթառանյանը հայր է դարձել

Հաղորդավար Էրիկ Անթառանյանը երեկ հայր է դարձել: Այս առթիվ նա ֆեյսբուքյան իր էջում գրել է.

«Վերջապես ունեմ մի քանի րոպե ազատ ժամանակ, որպեսզի ամփոփեմ գլխիս անցածը վերջին մի քանի օրերի: Ես նորից հրաշքի ականատես եղա, կրկին հերոսուհի կինս ինձ որդի պարգևեց, էլի մի մարդուկ ծնվեց, ով ունի հոգի ու բնավորություն: Ու կրկին նույն հրաշագործ ձեռքերն օգնեցին նրան լույս աշխարհ գալ: Ամեն ինչով դրա համար պարտական եմ «Էրեբունի» բուժ կենտրոնի ողջ անձնակազմին ու հատկապես Անդրանիկ Պողոսյանին, Աննա Սուրենովնային, Սարգիս Պետրոսովիչին և Լարիսա Մուշեղովնային: Այս պրոֆեսիոնալ քառյակի ջանքերով Դավիթս լույս աշխարհ եկավ:

Ուզում եմ ջերմ շնորհակալությունս հայտնել բոլոր բոլորին, ովքեր ինձ հետ կիսեցին իմ անսահման ուրախությունը, ովքեր ջերմ խոսքեր ասեցին ու բարեմաղթանքներով լցրեցին ֆեյսբուքյան էջս:

Հատուկ շնորհակալություն այն լրագրողներին, ովքեր րոպե առ րոպե հետևում էին ու ըմբռնումով մոտենում, որ կյանքիս էդ կարևորագույն պահին մի քիչ կտրուկ էի ու շտապ շտապ էի պատասխանում հարցերին: Շնորհակալ եմ իմ հարազատներին ու ի վերջո Աստծուն ինձ այս աստվածային պարգևին երկրորդ անգամ արժանացնելու համար: Տարոսը բոլորին»: