Մանվել Գրիգորյանը պատրաստ է իր տղաների հետ հասնել Ադրբեջան և կրակահերթի տարափի տակ խոցված ուղղաթիռի տղաներին իր հետ բերել Հայաստան. shamshyan.com

Ես պատերազմի ժամանակ էլ երբեք ոչ մի դիակ չեմ թողել թուրքին: Պատրաստ ենք ոչ միայն մեր տղաների դիակները դուրս բերել, պատրաստ ենք մեր մեկ հերոսի փոխարեն տասնյակ ալիևական, ալիևյան կլանի ներկայացուցչի սատկացնել, տասնյակներին էլ հետներս բերել' նրանց հարազատներին էլ պատճառելով նույն մրմուռն ու ցավը, որ այսօր համայն հայությունն է զգում: Այս մասին SHAMSHYAN.com-ի թղթակցի հետ զրույցում ասաց ԵԿՄ նախագահ, Արցախի հերոս, զորավար, գեներալ-լեյտենանտ, ԱԺ պատգամավոր Մանվել Գրիգորյանը՝ անդրադառնալով ադրբեջանցիների կողմից հայկական ուղղաթիռը խոցելուն և այն հանգամանքին, որ ուղղաթիռում գտնվող մեր տղաներին չեն վերադարձնում: Նրա հետ մեր կարճ, բայց բովանդակալից հարցուպատասխանը ներկայացնում ենք ստորև.

- Պարոն Գրիգորյան, ադրբեջանական կողմը շարունակում է կրակի տակ պահել ապօրինաբար խոցված Արցախի պաշտպանության բանակի ՄԻ-24 ուղղաթիռը' հնարավորություն չտալով մոտենալ պաշտպանության բանակի զոհված սպաների դիակներին:

- Նախ, ևս մեկ անգամ ցավակցում եմ մեր հերոս տղաների հարազատներին, ընկերներին, նրանց զինվորական ղեկավարությանը, ՀՀ և Արցախի նախագահներին և Զինված ուժերի գերագույն գլխավոր հրամանատարներին: Ես ներողություն եմ խնդրում մեր այս տղաներից, նրանց հարազատներից, որ թույլ ենք տվել նրանց վախճանը:

Սահմռկեցուցիչ սադրանքից անմիջապես հետո ես կապվել եմ Արցախի պաշտպանության նախարարի հետ, խոսել եմ բոլոր պատասխանատուների հետ, որից հետո հայտարարություն եմ տարածել եռասերունդ Երկրապահի անունից՝ ես հայտարարել էի, որ պատրաստ ենք հենց այս պահին կանգնել սահմանային առաջնագծում: Այդ հայտարարությանն արձագանքեցին ինչպես Արցախյան պատերազմի վետերան երկրապահները, այնպես էլ երիտասարդ, նույնիսկ' պատանի երկրապահներ՝ տղաներ, թե աղջիկներ: Ոգևորությամբ հայտարարությանն արձագանքեց նաև սփյուռքահայությունը, արձագանքեցին ԵԿՄ սփյուռքի ներկայացուցչությունները: Բոլորն էլ միաբերան պնդում էին' պատրաստ ենք Զորավարի հետ կանգնել սահմանին' զենքը ձեռքներիս:

Շարունակությունը՝ այստեղ: