«Կոռումպացված անձանց պետք է բանտարկել». Սաակաշվիլի

Ուկրաինայում փաստացի չկա մի մարդ, ում Մայդանից հետո բանտարկել են կոռուպցիայի մեղադրանքով: Այս մասին հայտնել է Грузия online-ը՝ վկայակոչելով Վրաստանի նախկին նախագահ Միխեիլ Սաակաշվիլին:

«Կոռումպացված մարդկանց պետք է բանտարկել, սակայն Ուկրաինայում Մայդան տեղի ունեցավ, և, ըստ էության, ոչ մի մարդու չբանտարկեցին: Առաջին իսկ ամիսներից մենք նստեցրինք կառավարության բոլոր կոռումպացված անդամներին: Սակայն նրանք երկար չմնացին բանտարկված: Մենք նրանց ասացինք, որ վերադարձնեն գումարները, որպեսզի բանտում չմնան: Նրանք բյուջե 1 մլրդ դոլար բերեցին», - ասել է Սաակաշվիլին:

Հիշեցնենք, որ 2013թ.-ի նոյեմբերին Ուկրաինայում բողոքի ակցիաներ սկսվեցին ընդդեմ ԵՄ-ի հետ Ասոցացման համաձայնագրի ստորագրումը կասեցնելու Կառավարության որոշման: