Ուկրաինայի և Լեհաստանի նախագահները կաջակցեն Մոլդովայի «եվրաինտեգրման ձգտումները»
Աշխարհ
Ուկրաինայի նախագահ Պյոտր Պորոշենկոն իր լեհ գործընկեր Բրոնիսլավ Կոմորովսկու հետ համակարգել է դիրքորոշումն արտաքին գործերի նախարարների մակարդակով Եվրոպայի խորհրդի նիստից առաջ, որը պետք է կայանա Բրյուսելում` նոյեմբերի 17-ին: Այս մասին գրել է Газета.Ru-ն՝ հղում անելով Ուկրաինայի նախագահի մամուլի ծառայությանը:
Երկու առաջնորդների հանդիպումը տեղի է ունեցել Սլովակիայի մայրաքաղաք Բրատիսլավայում:
«Ուկրաինայի նախագահը ասել է, որ հանդիպման ընթացքում նախագահները ընդհանուր համաձայնեցված քայլեր են մշակել: Մասնավորապես, նոյեմբերի 20-ին կկայանա Պյոտր Պորոշենկոյի և Բրոնիսլավ Կոմորովսկու համատեղ այցը Մոլդովա»,- ասված է հաղորդագրության մեջ:
«Մենք նախատեսում ենք աջակցել Մոլդովայի եվրաինտեգրման ձգտումներին»,- հայտարարել է Պորոշենկոն:
Ուկրաինայի նախագահի կարծիքով՝ Մոլդովան «բարեփոխումների անցկացման և եվրաինտեգրման գործընթացների հարցում պետք է դրական օրինակ դառնա»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
