Շառլ Ազնավուրի գործերի անթոլոգիան անգնահատելի նվեր է երգչի երկրպագուներին

Շառլ Ազնավուրի երկրպագուներն այսօրվանից հնարավորություն ունեն ձեռք բերելու երգի լեգենդի ստեղծագործություններն ամփոփող անթոլոգիան:

Ինչպես տեղեկացնում է «Արմենպրես»-ը՝ վկայակոչելով երգչի պաշտոնական՝ charlesaznavour.com կայքը, 60 CD ներառող անթոլոգիան թողարկվել է նոյեմբերի 17-ին: Այն հնարավոր է եղել նաև նախապես պատվիրել համացանցի միջոցով: Անթոլոգիան լույս է տեսել սահմանափակ քանակով՝ 10 հազար օրինակով, որից ութ հազարը վաճառքի է հանվել Ֆրանսիայում: