Մովսիսյանը Ռեմբոն չէ, ֆուտբոլն էլ բալետ չէ. Ռուբեն Հայրապետյանը՝ Մովսիսյանի և Մխիթարյանի մասին

ՀՖՖ նախագահ Ռուբեն Հայրապետյանն այսօր լրագրողների հետ հանդիպմանն անդրադարձավ Պորտուգալիայի դեմ խաղում Յուրա Մովսիսյանին և Հենրիխ Մխիթարյանին:

«Պորտուգալացիները Մխիթարյանի դեմ կոպիտ էին խաղում, լավ էին անում: Թող մենք էլ Ռոնալդուի դեմ կոշտ խաղայինք: Իր համար դա սովորական էր: Ֆուտբոլը բալետ չէ, այլ պայքար է: Յուրա Մովսիսյանն ի՞նչ աներ, եթե այդքան մեծ ուժերով պաշտպանվում էինք: Մովսիսյանը հո Ռեմբոն չէ՞: Խաղը ճիշտ չէր կառուցվել»,- նշեց Հայրապետյանը: