Ֆրանսիայում նշում են «բոժոլեի» տոնը

Ֆրանսիայում սկսվել է մաճառի ամենամյա տոնը: Նոյեմբերի 20-ին ամբողջ երկրում սկսել են բացել 2014 թվականի բերքի «բոժոլե նուվոյի» առաջին շշերը, տեղեկացնում է «Արմենպրես»-ը՝ հղում անելով Փարիզի Echo թերթի ինտերնետ-տարբերակին:

Անցյալ դարում Բուրգունդիայում ծնունդ առած տոնն անցնում է «Եկել է «բոժոլե նուվոյի» ժամանակը» նշանաբանի ներքո: Ավանդաբար այն տևում է մի քանի օր, որոնց ընթացքում ընդունված է համտեսել խմիչքը: Այսօր Բուրգունդիայի մարզի գինեգործարանների ավելի քան մեկ երրորդը կողմնորոշված է դեպի «բոժոլեն»: Այն արտադրում են «գամե» սորտի խաղողից, որն արագ է հասնում, ինչի շնորհիվ այն վաճառքի է հանվում նույն տարվա բերքի մյուս գինիներից ավելի շուտ:

Էնոլոգները (գինիների պատրաստման տեխնոլոգիայի մասնագետները) տարակարծիք են այս գինու որակի հարցում և ենթադրում են, թե այս տոնը բացառապես շուկայավարական քայլ է: Սակայն դա զբոսաշրջիկներին չի խանգարում ամբողջ աշխարհից ժամանելու երկիր՝ «բոժոլե նուվո» ճաշակելու և այդ հրապուրիչ տոնի մթնոլոտով համակվելու համար, հաղորդել է ՏԱՍՍ-ը: