Դոնբասում վիրավորվել է լրագրող Գրեմ Ֆիլիպսը
Աշխարհ
Անգլիացի լրագրող Գրեմ Ֆիլիպսը , որը վերջին ժամանակներս աշխատում էր «Զվեզդա» հեռուստաալիքի հետ, վիրավորվել է Պեսկի ավանի մերձակայաքում: Այդ մասին, ինչպես տեղեկացնում է «Արմենպրես»-ը, ՌԻԱ Նովոստիին հայտնել է լրագրողի ծանոթը, որը նրա հետ գտնվում է հիվանդանոցում:
«Ականի բեկորը դիպել է նրան կողային հատվածում: Լրագրողը հոսպիտալացված է, քայլում է, խոսում»,- պատմել է տղամարդը՝ հավելելով, որ Ֆիլիպսին հիվանդանոց են տարել աշխարհազորայինները:
«Ռոսիա-24» հեռուստաալիքի տվյալներով՝ բեկորը ծակել անցել է զրահաբաճկոնակը, մեջքի միջով մտել մարմինը երիկամի շրջանում: Ըստ որում լրագրողը հիվանդանոց է հասել ինքնուրույն:
Պեսկի ավանի համար վերջին ժամանակներս ինտենսիվ մարտեր են ընթանում աշխարհազորայինների և ուժայինների միջև: Ֆիլիպսը մարտական ընդհարումները նկարահանում էր աշխարհազորայինների կողմից, նրա ջոկատն ընկել է ուկրաինացի ուժայինների ականակոծության տակ: Աշխարհազորայինները Ֆիլիպսին տարել են Դոնեցկի զինվորական հսպիտալ: Նրա մոտ գտնվող աշխարհազորայինը հայտնել է, որ Ֆիլիպսի վիճակը «միջին ծանրության է», նա գիտակից վիճակում է:
Ֆիլիպսը բրիտանահպատակ է և ավելի վաղ աշխատել է Ուկրաինայում RT-ի արտահաստիքային թղթակից: Ուկրաինայում աշխատելու ընթացքում երկու անգամ բռնվել է հանրապետության անվտանգության ծառայության աշխատակիցների կողմից:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
