Ֆրանսիայի նախագահը որոշել է կասեցնել առաջին ուղղաթիռակրի հանձնումը ՌԴ-ին
Աշխարհ
Ֆրանսիայի նախագահ Ֆրանսուա Օլանդը որոշում է ընդունել Ուկրաինայում ստեղծված իրադրության պատճառով կասեցնել «Միստրալ» տեսակի առաջին ուղղաթիռակրի տրամադրումը Ռուսաստանին: Այդ մասին, ինչպես տեղեկացնում է «Արմենպրես»-ը, ասված է Ելիսեյան պալատի հայտարարության մեջ, որը նոյեմբերի 25-ին ստացել է ՌԻԱ Նովոստի գործակալությունը:
«Հանրապետության նախագահն այն կարծիքին է, որ Ուկրաինայի արևելքում ստեղծված ներկայիս իրադրությունը նախկինի պես թույլ չի տալիս Ռուսաստանին հանձնել առաջին «Միստրալ»-ը: Այդ կապակցությամբ նա անհրաժեշտ է համարել մինչ նոր կարգադրությունը հետաձգել Ռուսաստանին առաջին «Միստրալ»-ի մատակարարման թույլտվություն տալու հարցապնդման ուսումնասիրումը»,-ասված է հաղորդագրության մեջ:
«Միստրալ» տիպի առաջին դեսանտային ուղղաթիռակիրը՝ «Վլադիվոստոկ» նավը, համաձայն ռուսական կողմին ուղղված հրավերի, պետք է Ֆրանսիայի կողմից Ռուսաստանի ռազմածովային նավատորմին հանձնվեր դեռ նոյեմբերի 14-ին:
Այն դեպքում, եթե ֆրանսիական կողմը մինչև նոյեմբերի վերջը չկատարի «Միստրալ»-ի հանձնման պարտավորությունները, Ռուսաստանը մտադիր է լուրջ ֆինանսական պահանջներ ներկայացնել, որոնց գումարը կհրապարակվի. մատակարարման ժամկետը խախտելու համար մեծ տուգանքներ են նախատեսված, որոնք հաշվվում են ամենօրյա ռեժիմով:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
