Միջազգային տիեզերակայանում տեղակայված եռաչափ տպիչը տպագրել է առաջին դետալը
Աշխարհ
Սեպտեմբերին Միջազգային տիեզերակայան հասցված եռաչափ տպիչը հաջողությամբ տպագրել է առաջին դետալը: Այդ մասին, ինչպես տեղեկացնում է «Արմենպրես»-ը, հայտնել է ԱՄՆ-ի Օդագնացության և տիեզերական տարածության հետազոտման ազգային վարչությունը (NASA):
Նոյեմբերի 17-ին Միջազգային տիեզերակայանի հրամանատար Բարի Ուիլմորն ամերիկյան Destiny գիտական մոդուլի լաբորատորիայում տեղակայել է տպիչի փորձարկման մոդելը, տպիչ, որն ստեղծել է Կալիֆոռնիայի Made In Space ընկերությունը, և կատարել է դրա տրամաչափարկում: Նոյեմբերի 24-ին Թռիչքների կառավարման կենտրոնում ինժեներները սարքին տվել են ինքն իր համար դետալ տպագրելու հրաման. 7,6 սմ x 3,8 սմ չափսով սպիտակ պլաստմասսայե թիթեղ՝ NASA լոգոտիպով: Չնայած անկշռությանը, տպիչը հաջողությամբ կատարել է առաջադրանքը: Նոյեմբերի 25-ին Ուիլմորը հանել է ցուցնակը, ստուգել այն և տեղադրել տպիչի հարկավոր տեղում:
«Դա պարզապես տիեզերքում տպված առաջին դետալը չէ: Դա առաջին օբյեկտն է, որն արտադրվել է Երիր մոլորակի սահմաններից դուրս: Դա մեծ նվաճում է ոչ միայն NASA-ի, այլև ամբողջ մարդկության համար»,- հայտարարել է Made In Space ընկերության գլխավոր տնօրեն Ահարոն Քեմերը:
Առաջիկա երկու շաբաթում Միջազգային տիեզերակայանում կտպագրվի ևս շուրջ 20 պլաստմասսայե օբյեկտ, որոնք այնուհետև վերլուծության համար կհասցվեն Երկիր, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
