ԴԺՀ-ն աշխարհազորայիններին բուժման կուղարկի Աբխազիա

Ինքնահռչակ Դոնեցկի Ժողովրդական Հանրապետության իշխանությունները պայմանավորվել են աշխարհազորայիններին Աբխազիայի Հանրապետություն ուղարկել բուժման նպատակով: Այս մասին հայտնել է ՌԻԱ Նովոստին` վկայակոչելով ԴԺՀ-ի ԱԳ նախարար Ալեքսանդր Կոֆմանին:

Նաև ԴԺՀ-ն մարդասիրական օգնություն կստանա Աբխազիայից:

«Բանակցություններ անցկացրեցինք, պայմանավորվեցինք Աբխազիայից հումանիտար օգնության մատակարարումների և մեր աշխարհազորայիններին Աբխազիա բուժման ուղարկելու շուրջ»,- նշել է Կոֆմանը:

Հանրապետությունները նաև բանակցություններ են վարում Աբխազիայի կողմից ճանաչման հարցով: «Այդ ճանաչումը սարերի հետևում չէ: Մոտ ապագայկում ԴԺՀ-ի պատվիրակությունը կայցելի Հարավային Օսիա և Աբխազիա: Մենք ցանկանում ենք անդամակցել չճանաչված պետությունների միությանը, նպաստել դրա ընդլայնմանն ու ուժեղացմանը»,- ասել է Կոֆմանը: