Վրաստանի պարեկային ոստիկանությունը համալրվել է նոր Ford Interceptor ավտոմեքենաներով (լուսանկարներ)

Վրաստանի պարեկային ոստիկանությունը նոյեմբերի 27-ին նշել է հիմնադրման 10-ամյակը: Հանդիսավոր արարողությունը տեղի է ունեցել ՆԳՆ շենքի հարևանությամբ, որտեղ ոստիկաններին շնորհավորել են երկրի վարչապետ Իրակլի Ղարիբաշվիլին և ՆԳՆ ղեկավար Ալեքսանդր Չիկաիձեն, ով պարգևատրել է ծառայության ընթացքում աչքի ընկած ոստիկաններին: Այս մասին հայտնել է «Նովոստի Գրուզիան»:

Բացի այդ, ոստիկանության պարեկային բաժինն այդ օրը ստացել է նաև նոր Ford Interceptor մակնիշի ավտոմեքենաներ, որոնք ստեղծվել են հատուկ ոստիկանության համար և հագեցած են անհրաժեշտ բոլոր սարքավորումներով:

Այսօրվանից ոստիկանները Թբիլիսիի փողոցներում հսկողությունը կիրականացնեն այս նոր մեքենաներով։