Աֆղանստանը վավերացրել է ԱՄՆ-ի հետ անվտանգության հարցերով և ՆԱՏՕ-ի ուժերի կարգավիճակի վերաբերյալ համաձայնագրերը
Աշխարհ
Աֆղանստանի Ավագների պալատը (խորհրդարանի վերին պալատ) վավերացրել է անվտանգության բնագավառում ԱՄՆ-ի հետ կնքված երկկողմ համաձայնագիրը, ինչպես նաև ՆԱՏՕ-ի ուժերի կարգավիճակի վերաբերյալ դաշինքի հետ ստորագրված համաձայնագիրը: Այդ մասին հայտնել է ՏԱՍՍ-ը` հղում անելով «Խամա Պրես» գործակալությանը:
Քվեարկությանը մասնակցել է 72 սենատոր:Հաղորդվում է, որ երկու համաձայնագրերը հաստատվել են օրենսդիրների մեծամասնության կողմից, «դեմ» է արտահայտվել միայն յոթ խորհրդարանական:
Քաբուլի և ՆԱՏՕ-ի միջև Աֆղանստանի տարածքում միջազգային զորակազմի կարգավիճակի մասին համաձայնագիրը կնքվել էր սեպտեմբերի 30-ին: Դրա ստորագրումը տեղի է ունեցել անվտանգության ապահովման վերաբերյալ աֆղանա-ամերիկյան երկկողմ պայմանագրի հաստատումից հետո, որը ենթադրում է այս տարվա վերջին ՆԱՏՕ-ի հիմնական ուժերի դուրսբերումից հետո Միացյալ Նահանգների կողմից սահանափակ զորախմբի պահպանում Աֆղանստանի տարածքում:
ԱՄՆ-ի և Հյուսիսատլանտյան դաշինքի մտահղացմամբ՝ նոր տարվանից Աֆղանստանում կմնա ռազմական մասնագետների սահմանափակ զորակազմ 8-հազարից մինչև 13 հազար թվաքանակով, որի հիմնական մասը կկազմեն ԱՄՆ-ի զինվորականները և գործընկեր պետությունների զինվորները:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
