Օդեսայում ոչնչացրել են Լենինի ևս մեկ արձան (լուսանկարներ)

Ուկրաինացի հայրենասերները կոտրել են համաշխարհային պրոլետարիատի առաջնորդ Լենինի արձանի գլուխը: Այս մասին գրում է LifeNews-ը: Միջադեպը տեղի է ունեցել նոյեմբերի 30-ի գիշերը, Օդեսայի տարածքում: Սովետական առաջնորդի՝ անգլուխ քանդակի լուսանկարները համացանցում տարածել են ուկրաինական «Սվոբոդա» կուսակցության ակտիվիստները:

Կուսակցական ակտիվիստները, սակայն, հերքել են իրենց մասնակցությունը վանդալիզմին և պնդել, որ լուսանկարն իրենց ուղարկվել են անհայտ անձանց կողմից: 

Լենինի արձանը Մաքսիմ Գորկիի հետ, որի գլուխը դեռևս իր տեղում է, տեղադրվել է 1957 թվականին: Գորկին և Լենինը պատկերված են միմյանց կողքի նստած: 

Լենինի արձանի հետ կապված վանդալիզմի փորձերն Օդեսայի մարզում առաջին անգամ չեն կատարվում: 3 օր առաջ Լենինի արձանի վրա ներկ են լցրել Կոտովսկում: Ամբողջ Ուկրաինայում իշխանությունը ոչնչացնում է արձանները 2013-ի դեկտեմբերից սկսած, երբ Կիևի Բեսարաբիայի հրապարակում ոչնչացվեց Լենինի արձանը: 

Բոլորովին վերջերս՝ նոյեմբերի սկզբին, ռադիկալները ոչնչացրել են Լենինի արձանը Զապորոժյեում, իսկ նոյեմբերի 7-ին փորձել են քանդել Դերժինսկու արձանը: Բրոդի քաղաքում արդեն իջեցրել են Միխայիլ Կուտուզովի արձանը: