Հարավային Կորեան դարձյալ տոնածառ կկանգնեցնի ԿԺԴՀ-ի հետ սահմանին
Աշխարհ
Հարավային Կորեայի իշխանությունները թույլատրել են Հյուսիսային Կորեայի սահմանի մոտ կանգնեցնել Ծննդյան տոների մեծ տոնածառ, չնայած այն բանին, որ դա, անշուշտ, կհարուցի Փենյանի զայրույթը: Այս տարվա հոկտեմբերին հարավկորեացիներն անվտանգության նկատառումներով ապամոնտաժել Էին սահմանամերձ աշտարակը, որը Սուրբ Ծննդյան նախօրեին զարդարում Էին որպես եղեւնի, տեղեկացնում Է «Արմենպրես»-ը՝ հղում անելով BBC-ին:
Կառույցը տեսանելի Էր հարակից տարածքից, եւ Փենյանի աթեիստական վարչակարգը դրա գոյության մեջ կրոնական քարոզչության տարր Էր տեսնում:
ԿԺԴՀ-ի հետ սահմանի մոտ ժամանակավորապես Ծննդյան տոների տոնածառ կանգնեցնելու խնդրանքով Հարավային Կորեայի իշխանություններին Էր դիմել «Կորեայի քրիստոնեական խորհուրդ» կազմակերպությունը:
Դեկտեմբերի 2-ին Սեուլի պաշտպանական խորհուրդը հավանություն Է տվել քրիստոնյաների խնդրանքին. զարդարված եւ վառ լուսավորված տոնածառը սահմանի մոտ կկանգնեցվի դեկտեմբերի 23-ին. ինչպես ասել Է պաշտպանության նախարարության ներկայացուցիչը, «հանուն խաղաղության աղոթելու համար»:
Քրիստոնյաները խոստանում են ծառը հանել տոնից երկու շաբաթ անց:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
