Լյուքսեմբուրգում կկառուցվի 60-մետրանոց ջրային աշտարակ

Լյուքսեմբուրգի քաղաքային խորհուրդը հավանության է արժանացրել ջրային աշտարակի կառուցման նախագծին:

Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, 60-մետրանոց աշտարակը կլուսավորվի ներսից: Ճարտարապետ Ջիմ Կլեմենսը խոստացել է, որ աշտարակը դժվար կլինի չնկատել:

Այն կկառուցվի ֆուտբոլի ազգային մարզադաշտի մերձակայքում և կդառնա նոր բնակելի թաղամասի խորհրդանիշը: Գլխավոր առանձնահատկությունը կլինի նրա լուսավորվածությունը:

Աշտարակի կառուցման համար կպահանջվի 8,7 միլիոն եվրո, իսկ լուսավորության համար տարեկան կծախսվի 3 հազար եվրո: