«Եվրամիությունը բանտ է հիշեցնում, որից անկարելի է դուրս գալ». Մարին Լը Պեն
Աշխարհ
«Ազգային ճակատ» կուսակցության առաջնորդ Մարին Լը Պենը Euronews ալիքին տված հարցազրույցի ժամանակ ֆրանսիացիներին կոչ է արել դուրս գալ Եվրամիությունից, տեղեկացնում է «Արմենպրես»-ը:
Մարին Լը Պենի կարծիքով՝ այժմ Եվրամիությունը հիշեցնում է բանտ, որից անկարելի է դուրս գալ:
«Այո, մեզ փորձաճագարների նման վերցրել են, դրել եվրոպական միասնական տան մեջ, որը քիչ է նման այն բանին, ինչ մեզ խոստացել էին Իսկ այժմ ասում են. «Վա՜յ, մենք չենք մշակել այստեղից դուրս գալու մեխանիզմը»,- հայտարարել է Լը Պենը: Ըստ որում, քաղաքական գործչի խոսքով՝ «եվրոգոտու սահմաններից դուրս մնացած» երկրներն «իրենց գերազանց են զգում»:
Հարցազրույցի ավարտին, երբ «Ազգային ճակատի» առաջնորդին խնդրել են հակիրճ նկարագրել չորս քաղաքական գործիչների, Լը Պենը Ֆրանսուա Օլանդին բնութագրել է որպես «ստախոս անկյալ», Անգելա Մերկելին անվանել է «երկաթյա տիկին», Ժան Կլոդ Յունկերին՝ «երեսպաշտ», իսկ Բարաք Օբամային՝ «հիասթափություն», հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
