17 նահանգներից բաղկացած կոալիցիան դատի է տվել Օբամային
Աշխարհ
17 նահանգից բաղկացած կոալիցիան որոշել է դատի տալ ԱՄՆ-ի նախագահ Բարաք Օբամայի վարչակազմին: Հայցի համար առիթ է ծառայել միգրացիոն բարենորոգումը, որը պետության ղեկավարն իրականացրել է առանց Կոնգրեսի հավանության, տեղեկացնում է «Արմենպրես»-ը՝ հղում անելով Reuters-ին: Հայցադիմումի նախաձեռնող է հանդես եկել Թեքսասի նահանգը:
«Նախագահն անտեսել է այն օրենքները սահմանված կարգով իրականացնելու պարտավորությունը, որոնք պարտադիր պետք է ներկայացվեն Կոնգրեսի քննարկմանը: Նա իրավունք չուներ ստորագրելու միգրացիոն բարենորոգման հրամանագիրը»,- հայտարարել է Թեքսասի գլխավոր դատախազ Գրեգ Էբոտը, որն ընտրվել է Թեքսասի նահանգապետ, բայց դեռ չի ստանձնել պաշտոնը:
Ինչպես նշվում է, կոալիցիայի մեջ են մտել հիմնականում այն նահանգները, որոնք պաշտպանում են հանրապետականներին, դրանց թվում են Ալաբաման, Այդահոն, Միսիսիպին և Յուտան:
Նոյեմբերի 22-ին Օբաման հայտարարել է օրենքի ստորագրման մասին, որը թույլ կտա վտարումից խուսափել հինգ միլիոն անօրինական գաղթյալների: Նա ասել է, թե խոսքը վերաբերում է այն մարդկանց, ովքեր «ավելի քան հինգ տարի ապրում են ԱՄՆ-ում, ամերիկացի քաղաքացիների ծնողներ են, ինչպես նաև նրանց, ում ԱՄՆ են բերել մանուկ հասակում»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
