Պուտինը խոստացել է հարգել նախկին խորհրդային հանրապետությունների ինքնիշխանությունը
Աշխարհ
ՌԴ-ի նախագահ Վլադիմիր Պուտինը հայտարարել է, որ նախկին խորհրդային հանրապետությունների, այդ թվում՝ Ուկրաինայի նկատմամբ Ռուսաստանի դիրքորոշումը փոփոխություններ չի կրել. Մոսկվան հարգանքով է վերաբերվում նրանց:
«Լավ հայտնի է, որ Ռուսաստանն աջակցեց ոչ միայն աջակցեց Ուկրաինայի և նախկին ԽՍՀՄ-ի մյուս եղբայրական հանրապետությունների ինքնիշխանության ձգտմանը, այլև 90-ական թվականների սահմանագծին զգալիորեն նպաստեց այդ գործընթացին»,- ասել է նա՝ հրապարակելով Դաշնային ժողովին հղված ուղերձը:
«Այն ժամանակվանից մեր դիրքորոշման մեջ ոչինչ չի փոխվել»,- ընդգծել է ՌԴ-ի նախագահը:
«Յուրաքանչյուր ժողովուրդ զարգացման սեփական ուղին, դաշնակիցներին, հասարակության քաղաքական կողմնորոշման ձևը, տնտեսության կառուցումը և իր անվտանգության ապահովումն ընտրելու անքակտելի ինքնիշխան իրավունք ունի»,- ասել է նախագահը և հավելել, որ «Ռուսաստանը միշտ էլ դրան հարգանքով է վերաբերվել ու կվերաբերվի»:
«Դա լիակատար չափով վերաբերում է նաև Ուկրաինային, Ուկրաինայի եղբայր ժողովրդին»,- հայտարարել է Պուտինը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
