Կադիրովը հաստատել է Գրոզնիում զինյալների շրջափակումը
Աշխարհ
Չեչնիայի Հանրապետության ղեկավար Ռամզան Կադիրովը այցելել է մամուլի տուն, որտեղ հատուկ գործողություններ են իրականացվել մի խումբ զինյալների չեզոքացնելու համար: Նա լրագրողներին հայտնել է, որ զինյալները ոչնչացվել են: Այս տեղեկատվությունը հաստատվել է նաև Ազգային Հակաահաբեկչական կոմիտեի կողմից: Այդ մասին հայտնել է «Ինտերֆաքսը»:
Ավելի վաղ հաղորդվել էր յոթ զինյալների ոչնչացման մասին:
Մի խումբ զինյալներ են հայտնաբերվել նաև Գրոզնու կենտրոնական շրջանի դպրոցներից մեկում: Կադիրովը հայտարարել է, որ դպրոցը շրջապատված է և վստահություն է հայտնել, որ զինյալները կոչնչացվեն առաջիկա ժամերին:
Նա նշել է, որ քաղաքացիների շրջանում զոհեր չկան:
Ավելի վաղ հաղորդվել էր, որ դեկտեմբերի լույս 4-ի գիշերը Գրոզնու կենտրոնում հակաահաբեկչական գործողության ռեժիմ է մտցվել: Դա կապված է այն բանի հետ, որ կասկածելի ավտոմեքենայի կալանման փորձի ժամանակ գնդակահարվել են ճանապարհային ոստիկանության մի քանի աշխատակից:
ԶԼՄ-ները նշում են, որ հակաահաբեկչական գործողության ընթացքում զոհեր և վիրավորներ կան նաև Չեչնիայի ուժային կառույցների աշխատակիցների շրջանում:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
