Եվրապատգամավորը լռեցրել է Մերկելին

Եվրախորհրդարանի պատգամավոր Ժան-Լյուկ Մելանշոնը բացասաբար է արտահայտվել կանցլեր Անգելա Մերկելի հասցեին՝ ի պատասխան վերջինիս` Ֆրանսիայի հանդեպ արված քննադատությանը: Այս մասին հայտնել է Газета.Ru-ն՝ հղում անելով Twitter-ում արված գրառմանը:

«Լռե՛ք, տիկի՛ն Մերկել: Ֆրանսիան ազատ է: Ավելի լավ է զբաղվեք Ձեր երկրի աղքատ մարդկանցով և փլատակներով»,- գրել է քաղաքական գործիչը:

Ավելի վաղ գերմանական Die Welt պարբերականին տված հարցազրույցում Մերկելն ասել է, որ Ֆրանսիայում ընթացող բարեփոխումները բավարար չեն: