Իսրայելական կործանիչները ռմբակոծել են սիրիական տարածքները

Իսրայելական օդային ուժերը ռմբակոծել են սիրիական տարածքները: Այս մասին հայտարարել է Սիրիայի կառավարությունը: Ինչպես հաղորդում է «Արմենպրես»-ը՝ վկայակոչելով սիրիական ՍԱՆԱ գործակալությունը, համաձայն տեղեկության՝ ռմբակոծության են ենթար կվել Դիմաս գյուղի խաղաղ շրջանները, որոնք գտնվում են միջազգային օդանավակայանի մերձակայքում: Բացի այդ, ռմբակոծվել է օդանավակայանի մոտ գտնվող զինապահեստը: Ռմբակոծությունների հետևանքով մարդկային վնասներ չեն գրանցվել, սակայն նյութական վնասները բավական մեծ են: Իսրայելական կործանիչները 6-ն են եղել և շուրջ 10-ը հարձակում են իրականացրել:

Սիրիայի կառավարությունը Իսրայելի քայլը որակել է Սիրիայի հանդեպ հանցագործություն, ինչպես նաև ահաբեկիչներին աջակցություն: Պայթյունների ձայները և սև ծուխը նկատելի է եղել շատ հեռվից: Գյուղը գտվում է Դամասկոսից դեպի Լիբանանի սահման տանող ճանապահին: Տեղեկություններ կան, որ սիրիական օդային ուժերը պատասխան կրակ են բացել իսրայելական ինքնաթիռների ուղղությամբ: Իսրայելական լրատվամիջոցները մերժել են մեկնաբանել լուրը:

Իսրայելական օդանավերը թռիչքներ են իրականացրել նաև Դարաայի և Կունեյտրայի ուղղությամբ: Ավելի վաղ՝ սեպտեմբերին, Իսրայելը սիրիական կործանիչ էր խփել Գոլանի բարձունքներում: