Մոսկվայի բորսայում դոլարի փոխարժեքը նոր առավելագույն ցուցանիշ է արձանագրել

Մոսկվայի բորսայում դեկտեմբերի 11-ին Երևանի ժամանակով ժամը 12:20-ի դրությամբ ռուբլու նկատմամբ դոլարի փոխարժեքը նախորդ օրվա փակման մակարդակի համեմատությամբ ավելացել է 8 կոպեկով և հասել 54,9350 ռուբլու: Նախորդ առավելագույն ցուցանիշը դեկտեմբերի 3-ին կազմել էր 54,9090 ռուբլի:

Ռուբլու փոխարժեքի անկումը տեղի է ունենում այն պայմաններում, երբ Բրենտ նավթի բարելի արժեքը ցած է իջել 65 դոլարից: Այսպես, ժամը 12:20-ի դրությամբ հունվարի մատակարարման Բրենտ նավթի բարելն արժեր 64,35 դոլար, հաղորդել է ՏԱՍՍ-ը: