Գիտնականների ստեղծած պատրաստուկը մարդու մոտ կշտացածության զգացում է առաջացնում

Գիտնականներն ստեղծել են պատրաստուկ, որը կարող է մարդու մոտ կշտացածության զգացում առաջացնել: Սկզբնական թեստերը ցույց են տվել, որ դա մարդկանց օգնում է նվազեցնելու սննդ գործածումը և դանդաղեցնել քաշի ավելացումը, տեղեկացնում է «Արմենպրես»-ը՝ հղում անելով BBC-ին:

Պատրաստուկի հիմքում պրոպիոնաթթուն է, որն առաջացնում է կշտացածության զգացում և սովորական պայմաններում արտազատվում է աղիներում բջջանյութը քայքայվելիս:

Բրիտանացի գիտնականների հետազոտությունների տվյալները հրապարակվել են Gut հանդեսում: Հետազոտողները կարծում են, որ դրանք կօգնեն մշակելու ճարպակալման բուժման նոր մեթողներ:

Մասնագետների կարծիքով՝ բարերար արդյունքի հասնելու համար պատրաստուկն անհրաժեշտ է կանոնավորապես գործածել սննդի մեջ:

Պատրաստուկի հիմնական բաղադրիչը տհաճ համով փոշին է, սակայն Լոնդոնի Կայսերական քոլեջի և Գլազգոյի համալսարանի հետազոտողների խումբը փորձում է անել այնպես, որ այն հնարավոր լինի ավելացնել հացին և մրգային կոկտեյլներին:

Հետազոտության ղեկավար պրոֆեսոր Գերի Ֆրոստը՝ Լոնդոնի Կայսերական քոլեջից, ասել է. «Մենք գիտենք, որ չափահասներն ամեն տարի քաշն ավելացնում են միջին հաշվով 0,3 կիլոգրամից մինչև 0,8 կիլոգրամ, և գոյություն ունի այս իրավիճակի դեմ պայքարի նոր ռազմավարության իրական պահանջ»: