ԵՄ-ն շարունակելու է համագործակցել Ռուսաստանի հետ Սիրիայի ճգնաժամի հարցով

Եվրոպական միությունը շարունակելու է համագործակցել Ռուսաստանի հետ Սիրիայի ճգնաժամի հարցով: Այս մասին հաղորդել է ՌԻԱ «Նովոստին»` վկայակոչելով ԵՄ բարձրաստիճան ներկայացուցչին:

«Այո, մենք նրա` Ռուսաստանի հետ շփման մեջ ենք` անկախ Ուկրաինայի և Ղրիմի հարցի շուրջ դիրքորաշումից: Սա չի խանգարում մեզ նրանց հետ կառուցողական աշխատանք տանել մի շարք դիվանագիտական, ինչպես օրինակ Իրանի և այլ հարցերում»,- ասել է աղբյուրը:

Աղբյուրի խոսքով` Ռուսաստանի հետ դիվանագիտական հարաբերությունների ամրապնդումը կարող է դառնալ ԵՄ արտաքին գործերի նախարարների հետ հանդիպման ընթացքում քննարկման թեմաներից մեկը:

Ավելի վաղ հաղորդվել էր, որ Բելգիան մտադիր է ամրապնդել համագործակցությունը Ռուսաստանի հետ ահաբեկչության դեմ պայքարում: