Մաքսային միությունը և Վիետնամը համաձայնեցրել են ազատ առևտրի գոտու ստեղծման սկզբունքային հացերը

Մաքսային միությունը (ՄՄ) և Վիետնամն ավարտել են ազատ առևտրի գոտու (ԱԱԳ) համաձայնագրի նախագծի նախապատրաստման բանակցային գործընթացը: Ինչպես տեղեկացնում է «Արմենպրես»-ը, դեկտեմբերի 15-ին այս մասին ՏԱՍՍ-ին հայտնել են Վիետնամի Սոցիալիստական Հանրապետությունում (ՎՍՀ) Ռուսաստանի առևտրական ներկայացուցչությունում:

Վիետնամի և Մաքսային միության՝ Ռուսաստանի, Բելառուսի և Ղազախստանի կազմով, պատվիրակությունների միջև բանակցությունների ութերորդ՝ ավարտական փուլը տեղի է ունեցել դեկտեմբերի 8-ից մինչև 14-ը Վիետնամի Կիենզյագի հարավային նահանգի Ֆուկուոկ կղզում: «Կողմերին հաջողվել է համաձայնեցնել Ազատ առևտրի գոտու համաձայնագրի նախագծի հանգուցային դրույթները: Տեխնիկական հարցերի լրամշակումից հետո փաստաթուղթն ստորագրման պատրաստ կլինի 2015 թվականի սկզբին»,- նշել են առևտրական ներկայացուցչությունում:

Սպասվում է, որ Ազատ առևտրի գոտու վերաբերյալ համաձայնագրի կնքումը, որը ենթադրում է ներմուծման տարիֆների «զրոյացում», հզոր ազդակ կհաղորդի Վիետնամի և Մաքսային միության արևտրատնտեսական կապերի աճին: Եվրասիական տնտեսական հանձնաժողովի փորձագետների գնահատումներով, որոնք ուսումնասիրել են սույն հարցը, մինչև 2020 թվականը ՄՄ-ի և ՎՍՀ-ի միջև ապրանքաշրջանառությունը կարող է հասնել տարեկան 10-12 միլիարդ դոլարի, ինչը քառապատիկ բարձր է ներկայիս մակարդակից: