Իսլամիստները սկսել են կարիճներով վախեցնել իրաքցիներին

«Իսլամական պետության» զինյալները Իրաքում օգտագործում են կենդանի կարիճներով լցված պայթեցուցիչ բեռնարկղեր տեղի բնակչության շրջանում խուճապ առաջացնելու համար: Այս մասին հաղորդել է The Daily Mirror-ը` վկայակոչելով բրիտանացի ռազմական փորձագետ Հեմիշ դե Բրեթոն Գորդոնին, ով պարբերաբար խորհրդակցություններ է անցկացնում իրաքյան զինված ուժերի հետ։

Նրա տվյալներով՝ գրոհայինների գլխավոր թիրախը երկրի հյուսիսային նահանգներն են։

«Պայթյունից հետո կարիճները շատ արագ ուշքի են գալիս և խայթում մարդկանց՝ խուճապ առաջացնելով»,- հայտնել է Բրեթոն Գորդոնը։

Թեև շատ չեն կարիճներից տուժածները, սակայն հոգեբանական ազդեցությունը մեծ է։