Լուկաշենկոն կառավարությունից պահանջել է Ռուսաստանի հետ առևտուրն անել դոլարով կամ եվրոյով

Բելառուսի նախագահ Ալեքսանդր Լուկաշենկոն երկրի կառավարությունից պահանջում է Ռուսաստանին արտահանման գծով մատակարարվող բելառուսական արտադրանքի դիմաց հաշվարկները կատարել կայուն արժույթով, տեղեկացնում է «Արմենպրես»-ը:

«Խնդիր է դրված առևտուրն անել ոչ թե ռուբլով, այլ դոլարով, քանի որ մենք էներգառեսուրսների համար վճարում ենք ոչ թե ռուբլով, այլ դոլարով: Դա, ի դեպ, կառավարության աշխատանքի թերացումն է: Ռուսաստանի հետ հարկավոր էր վաղուց աշխատել և պահանջել, որ նրանք մեզ նույնպես վճարեն կայուն արժույթով՝ դոլարով կամ եվրոյով»,-հայտարարել էԼ ուկաշենկոն՝ դեկտեմբերի 18-ին Մինսկում ելույթ ունենալով տնտեսական խնդիրներին նվիրված խորհրդակցությունում:

Ելույթի ընթացքում Բելառուսի ղեկավարը նաև նշել է, որ հանրապետությունը Ռուսաստանից անմիջապես հետո չի դևալվացնի ազգային արժույթը:

«Մեր դիրքորոշոմւը մնում է նախկինը: Մենք չենք պատրաստվում վազել Ռուսաստանի հետևից, դա կտրականապես արգելված է, որովհետև ռուսական շուկան՝ անհասկանալի է, թե ինչ է այնտեղ կատարվում, ով՝ ինչ է ցանկանում և ինչ կլինի այնտեղ, ռուսական շուկայի վայրիվերումները ոչ մի տրամաբանության չեն ենթարկվում»,-հայտարարել է Լուկաշենկոն: Ինչպես նշում է «Ինտերֆաքս»-ը, նա ընդգծել է, որ երկրի կառավարությունն ու ազգային բանկը փոխարժեքային քաղաքականության առումով պարտավորություններ ունեն երկրի բնակչության հանդեպ, և այդ պարտավորությունները կկատարվեն: