Օբաման ստորագրել է Ռուսաստանի դեմ նոր պատժամիջոցների մասին օրենքը
Աշխարհ
ԱՄՆ-ի նախագահ Բարաք Օբաման հայտնել է, թե ստորագրել է Կոնգրեսի կողմից ընդունված օրենքը, որը ճանապարհ է բացում Ռուսաստանի դեմ նոր պատժամիջոցների համար, տեղեկացնում է «Արմենպրես»-ը՝ հղում անելով BBC-ին:
Ընդսմին, ինչպես հաղորդել է Սպիտակ տունը, ԱՄՆ-ի նախագահն առայժմ չի պլանավորում անհապաղ նոր տնտեսական պատժամիջոցներ սահմանել Ռուսաստանի նկատմամբ:
ԱՄՆ-ի վարչակազմի ներկայացուցիչների խոսքով՝ նախագահի մոտ կասկածներ են առաջացել առ այն՝ արդյոք այդ միջոցը համապատասխանում է պատժամիջոցների հարցում ԵՄ-ի հետ համաձայնեցված գործողությունների իր քաղաքականությանը:
Ինչպես ասված է Օբամայի հայտարարության մեջ, Վաշինգտոնը Եվրոպայում իր դաշնակիցների և գործընկերների հետ միասին կաշխատի հստակեցնել պատժամիջոցներն ի պատասխան Ռուսաստանի գործողությունների և Ուկրաինայում իրադրության հետագա զարգացման:
Օբամայի կողմից ստորագրված օրենքը նախագահին պարտավորեցնում է սահմանափակումներ մտցնել Ռուսաստանի պաշտպանական ձեռնարկությունների նկատմամբ: Այն նաև նախագահին լիազորում է չեղարկել պատժամիջոցները, եթե դա համապատասխանում է ազգային անվտանգության շահերին:
«Մենք առաջվա պես պատրաստ ենք չեղարկել պատժամիջոցներն այն դեպքում, եթե Ռուսաստանն անհրաժեշտ քայլեր ձեռնարկի»,- ասված է ԱՄՆ-ի նախագահի հայտարարության մեջ:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
