ԵՄ-ն հայտարարել է Ուկրաինայի բարեփոխումներին աջակցելու պատրաստակության մասին
Աշխարհ
Եվրամիությունը և նրա անդամ առանձին երկրները «պատրաստ են այսուհետև էլ միջազգային դոնորների և ԱՄՀ-ի հետ համատեղ աջակցել Ուկրաինայում բարեփոխումների գործընթացին»: Այդ մասին, ինչպես տեղեկացնում է «Արմենպրես»-ը, ասված է Ուկրաինայի վերաբերյալ ԵՄ-ի ամփոփիչ հայտարարության մեջ: Այն բաղկացած է ընդամենը երկու պարբերությունից: «Եվրախորհուրդը շնորհավորել է Ուկրաինային նոր կառավարության ձևավորման կապակցությամբ և ողջունել է քաղաքական ու տնտեսական բարեփոխումները շարունակելու նրա պատրաստակամությունը»,- նշվում է փաստաթղթում:
«ԵՄ-ն և նրա անդամ երկրները պատրաստ են այսուհետև էլ մյուս դոնորների հետ համատեղ աջակցել և դյուրացնել Ուկրաինայում բարեփոխումների գործընթացը՝ ԱՄՀ-ի պայմանների շրջանակներում: Եվրախորհուրդը նաև ողջունում է Ուկրաինայի տառապող մարդկանց ցուցաբերվող հումանիտար օգնությունն ընդլայնելու կառավարության պատրաստակամությունը»,- նշվում է փաստաթղթում:
Ավելի վաղ եվրոպական մի աղբյուր ՏԱՍՍ-ին հայտնել է, որ օգնության ժամկետներն ու ծավալները որոշված չեն: «Գագաթնաժողովն ավարտված է: Մենք հաստատեցինք ապագայում Ուկրաինային օգնություն ցուցաբերելու մտադրությունը, այն կտրամադրվի ԱՄՀ-ի հետ փոխգործակցությամբ, երբ Ուկրաինան կկարողանա դրսևորել բարեփոխումների արդյունքները»,- ընդգծել է նա:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
