Օլանդը բացառել է ԵՄ-ի նոր պատժամիջոցների սահմանումը ՌԴ-ի դեմ

ԵՄ գագաթաժողովին որոշում է կայացվել զերծ մնալ Ռուսաստանի դեմ նոր պատժամիջոցների սահմանումից: Այս մասին հայտնել է «Ինտերֆաքսը»` վկայակոչելով Ֆրանսիայի նախագահ Ֆրանսուա Օլանդին:

«Պատժամիջոցների խստացման վերաբերյալ որոշումը չի ընդունվել, քանի որ հիմա շարունակվում է Ուկրաինայի խաղաղ կարգավորման գործընթացը»,- ասել է նա գագաթնաժողովից հետո:

Ընդ որում, նախագահը նշել է, որ պատժամիջոցների մեղմացումը և վերացումը կախված կլինի Ուկրաինայի արևելքում ստեղծված իրավիճակի առաջընթացից: